Framover og bakover i ei bok

Vil du bli rett forstått av alle, bør du formulere deg annleis.

Det er ingen tvil om at framme i boka = ‘i starten’, og at bak i boka = ‘på slutten’. Difor kan framover tolkast som ‘i retning starten’ og bakover som ‘i retning slutten’.

Men minst like rimeleg er det å leggje leseretninga til grunn. Ein les (og blar) framover mot slutten!

Vil du unngå mistydingar, kan du til dømes skrive «på side 21 og utover/utetter» eller «på side 21 og dei følgjande sidene».