ordbøkene.no logoordbøkene.no SøkeikonSøk
ordbøkene.no logoordbøkene.no

Språkspørsmål og svar

Valgte kategorier:

  • Oppramsing

Er det gale å bruke fleire kolon etter kvarandre? Eller kan eg ramse opp slik som nedanfor?

«Satsinga inneheldt tre delar: del 1: kjøpe mat til heile nabolaget; del 2: byggje scene i parken; og del 3: måle søppeldunkane i fine fargar.»

Svar

Det er ingen regel som seier at det er gale å setje fleire kolon etter kvarandre slik. Men det kan verke forvirrande eller litt uelegant, så vurder om du kan skrive det om.

Dømet ditt kan skrivast om slik:

Satsinga inneheldt tre delar: 1) kjøpe mat til heile nabolaget, 2) byggje scene i parken, 3) måle søppeldunkane i fine fargar.

Skal det vere kolon før ei oppramsing i form av punktliste? Og kva med forbokstaven i kvart punkt – stor eller liten?

Svar

Det skal ikkje vere kolon dersom punktet er eit naturleg framhald av innleiinga. Bruk kolon berre dersom det òg ville ha vore kolon i ei vanleg oppramsing utan punktliste. Forbokstaven skal vere stor berre dersom punktet inneheld ei heil setning (eller fleire).

Sjå døma nedanfor.

1
Her skal du føre

  • nettoinntekt ved utleige av bustad
  • nettoinntekt ved utleige av tomt

2
Du skal føre opp desse inntektene:

  • nettoinntekt ved utleige av bustad
  • nettoinntekt ved utleige av tomt

3

Når du fyller ut skattemeldinga (før: sjølvmeldinga), må du hugse på dette:

  • Du skal føre opp nettoinntekt ved utleige av bustad.
  • Du skal føre opp nettoinntekt ved utleige av tomt.

Som du ser ovanfor, skal det berre vere punktum til slutt etter heile setningar.

Meir om punktlister finn du på nettsidene våre.

Kan dere svare på om denne setningen er korrekt?

«Meld deg inn i vår organisasjon, som gir deg trygghet på arbeidsplassen, arbeider for flere heltidsstillinger, krever lønnsløft for fagarbeiderne og lovfestet rett til læreplasser.»

Vi har fått innspill om at det må være et verb før ordet «lovfestet».

Svar

Her gjelder det å finne ut hva som svarer til tallene i den kjente oppramsingsformelen 1, 2 og 3!

Leddene 1 til 3 er sidestilt, og a og b er sidestilt under 3.

1) gir deg trygghet på arbeidsplassen
2) arbeider for flere heltidsstillinger
3) krever a) lønnsløft for fagarbeiderne + b) lovfestet rett til læreplasser

Etter formelen skal det stå «og» i stedet for komma mellom 2 og 3, slik:

... som
gir deg trygghet på arbeidsplassen,
arbeider for flere heltidsstillinger og
krever lønnsløft for fagarbeiderne og lovfestet rett til læreplasser

Det står allerede et «og» mellom 3 a og 3 b, så oppramsingen blir litt tung, men løsningen er ikke å sløyfe et «og». Det blir som å skrive «1, 2, 3 a og b». Det er heller ikke løsningen å sette inn et ekstra krever; det blir for tungt. Man kan bruke samt for det siste og-et, men det er litt stivt.