Fatigue på norsk

På nynorsk blir det kronisk trøyttleik eller utmatting.

Det er fagmiljøet som må avgjere hva det skal heite på norsk. I det medisinske fagmiljøet har både kronisk trøyttleikssyndrom og kronisk utmattingssyndrom vore i bruk. Medisinsk ordbok frå Samlaget har kronisk trøyttleikssyndrom.

Tidsskrift for Den norske legeforening har valt utmattelse/utmatting. Sjå òg denne lista under Termportalen.

Til slutt nokre ord om møde, som du har funne i ordboka. Det er eit gammalt ord for slit, strev og umak. Uttalen har dei fleste stader vore /møe/. Ordet har same rot som bokmål møye. Adjektivet mødd tyder utmatta. Men begge orda lite brukte i sakprosa i dag, og det er ikkje tilrådeleg å bruka dei om fatigue. Det hjelper ikkje at det finst ein sauesjukdom som kallast mædi, av ordet for møde på islandsk (mæði).