ordbøkene.no
SøkHøyring om framlegg til rettskrivingsendringar
(frist 7. april 2026)
Språkrådet har sendt ut på høyring ein del framlegg til endringar i rettskrivinga for bokmål og nynorsk. Fristen for å sende høyringsfråsegn er 7. april.
Språkrådet har sendt ut på høyring ein del framlegg til endringar i rettskrivinga for bokmål og nynorsk. Fristen for å sende høyringsfråsegn er 7. april.
Språkrådet forvaltar dei offisielle normene for rettskriving i nynorsk og bokmål, jf. § 19 i språklova. Dersom faktisk språkbruk eller sterke systemomsyn tilseier det, kan Språkrådet gjere bindande normeringsvedtak. Normeringsarbeidet i Språkrådet følgjer prinsippa i dokumentet Retningslinjer for normering, som er vedteke av styret i Språkrådet. Framlegg til rettskrivingsendringar blir sende til høyring slik at ålmenta får høve til å uttale seg om dei.
Vi ønskjer høyringsfråsegner om dei konkrete framlegga som det er gjort greie for i høyringsnotatet. Framlegg i fråsegnene bør grunngjevast med dei gjeldande prinsippa for normering.
Kven som helst kan sende inn høyringsfråsegn. Fråsegnene er offentlege etter offentleglova og blir publiserte på Språkrådets nettsider.
Frist for å sende høyringsfråsegn er 7. april 2026. Fråsegner skal sendast på e-post til post@sprakradet.no.