SøkSvar
Språkrådet har vedteke krøllalfa som namn på teiknet @.
Ordet krøllalfa har vi i fyrste rekkje bruk for når det skal gjevast munnleg melding om e-postadresser. Då er det viktig at spesielle teikn blir omtalte på ein eintydig måte. Eksempel:
ole punktum olsen krøllalfa ruskogrask punktum enno
Dette gjev
ole.olsen@ruskogrask.no
Om ein skifter ut krøllalfa med ved eller noko anna tvitydig, risikerer ein at det blir teke bokstavleg. Ved kan lett bli oppfatta som bokstavrekkjefølgja <ved>.