ordbøkene.no logoordbøkene.no SøkeikonSøk
ordbøkene.no logoordbøkene.no

Hutaheiti

Spørsmål

Kva er bakgrunnen for ordet huttaheiti? Eller heiter det huttiheita?

Svar

Rettskrivingsordbøkene har skrivemåten hutaheiti med ein t. Bakgrunnen finn vi i Stillehavet.

Ordet er ei omlaging av Otaheite/Otaheiti, som er eldre skrivemåtar av Tahiti. O-en er opphavleg ein artikkel på det lokale språket, altså som the på engelsk eller som til dømes -a i øya på norsk.

Vi har òg adjektivet otaheitisk.

For om lag hundre år sidan gjekk Otaheiti over frå å vera eit verkeleg stadnamn på folkemunne til å bli namnet på ein rein fantasistad. I lærebøkene vart den verkelege stillehavsøya då vanlegvis kalla Tahiti.

Alle desse formene har vore i bruk: hutaheiti, huttaheiti, hotaheiti, hutiheita og huttiheita. Hutaheiti er eldst og mest brukt. Variantene med -heita kan minna om norske stadnamn på -a, og det er nok litt av grunnen til at dei har vunne fram. Det kan òg ha oppstått assosiasjonar til det suffikset -heit for -het (frå dialekt og nynorsk).

Før vart ordet mest brukt om tenkte fjerne stader i utlandet, men det blir mykje nytta om fjerne og grisgrendte strok innanlands, om lag som viddene og gokk.

Om basen

Artiklene i svarbasen er skrevet av rådgivere i Språkrådets svartjeneste. Svarene er basert på spørsmål vi har fått på e-post og telefon de siste 10–15 årene. De fleste artiklene er satt sammen av flere spørsmål og svar om samme emne, og spørsmålsstillerne er anonymisert. Artiklene justeres når det er grunn til det. Alt innhold i svarbasen kan regnes som gyldig.

I de fleste artiklene finner du et kort svar i ingressen, altså det første avsnittet, som står med feit skrift. Ikke hopp over det! Resten av teksten i hver artikkel er for de ekstra interesserte og tålmodige.

Fant du det du lette etter?

Tilbakemeldingene brukes til å forbedre nettsiden, de besvares ikke. Språkspørsmål kan du sende til: sporsmal@sprakradet.no.