Grammatiske termar i skuleverket

Språkrådet og Utdanningsdirektoratet kom med ei tilråding om grammatiske termar til skulebruk i 2005.

Dei føreslegne termane bygde på Norsk referansegrammatikk (1997) og er i dag i stor grad innarbeidde i læreverk og nye ordlister. Dei viktigaste endringane i forhold til tidlegare framstillingar gjaldt inndelinga av ordklassane. Pronomen og konjunksjonar vart delte i to nye ordklassar: determinativ (bestemmarord) og subjunksjonar (underordningsord). Dei tidlegare ordklassane talord og artiklar vart flytta til andre ordklassar. Grunntala gjekk over til determinativa (kvantorar eller mengdeord), rekkjetala til adjektiva og artiklane vart flytta til determinativa. Dessutan vart infinitivsmerket å og det relative pronomenet som å rekne som subjunksjonar.

Oversikt over gjeldande og tidlegare ordklasseinndeling

Gjeldande ordklasseinndeling	Nokre undergrupper	Døme	Tidlegare ordklasseinndeling	Endring
Substantiv			Substantiv
Verb			Verb
Adjektiv			Adjektiv
Adverb			Adverb
Pronomen			Pronomen	Delt i pronomen og determinativ
	Personlege pronomen	eg, du, han
	Resiproke (gjensidige) pronomen	kvarandre, einannan
	Refleksivt pronomen	seg
	Spørjepronomen	kva, kven
	Ubunde (ubestemt) pronomen	ein
Determinativ/ bestemmarord
	Possessiv (eigedomsord)	min, vår
	Demonstrativ (peikeord)	denne, det
	Kvantorar (mengdeord)	ei, ein, to, tre, ingen, alle
Konjunksjonar/ sideordningsord		og, men	Konjunksjonar	Delt i konjunksjonar og subjunksjonar
Subjunksjonar/ underordningsord		at, om
Preposisjonar			Preposisjonar
Interjeksjonar			Interjeksjonar
			Talord	Delt på adjektiv og determinativ
			Artiklar	Til determinativa (kvantorane)

Omtale av dei nye termane [pdf]

Tilrådinga frå Språkrådet og Utdanningsdirektoratet

Nye grammatiske termer i skoleverket

Språknytt 2/2007

Fant du det du lette etter?

Nei