ordbøkene.no
SøkKom med framlegg om kandidatar til klarspråksprisane!
Veit du om ei verksemd som har arbeidd spesielt godt med klarspråk?
Klarspråksprisane skal delast ut 6. mai, og juryen vil gjerne vita kven du meiner bør vinna prisen i år. Det er to prisar: ein for statlege organ og ein for kommunar og fylkeskommunar.
Prisane skal gå til nokon som har gjennomført ein ekstraordinær klarspråksinnsats. No kan du koma med framlegg om kandidatar.
Kven vann i fjor?
Nasjonalt klageorgan for helsetenesta (Helseklage) og Tønsberg kommune vann prisen for 2023.
Helseklage fekk mellom anna skryt av juryen for å ha sett på klarspråk som ein del av samfunnsoppdraget sitt, og for å ha arbeidd vitskapleg med språk.
I grunngjevinga for utdelinga av prisen til Tønsberg kommune la juryen særleg vekt på at kommunen hadde samarbeidd med andre kommunar for å måla den økonomiske effekten av klarspråk – det var pengar å spara på klarspråksarbeidet.
Årets jury er
- Audhild Gregoriusdotter Rotevatn, direktør i Viti
- Johan L. Tønnesson, professor i retorikk og språkleg kommunikasjon ved UiO
- Britt Kristin Ese, seniorrådgjevar i Nasjonalt klageorgan for helsetenesta
Slik nominerer du kandidatar
Bruk desse skjemaa for å nominera dei du meiner bør vinna prisen for 2024:
Fristen for å nominera kandidatar er 4. april 2025.
Prisane blir delte ut 6. mai på møtesenteret til Digdir i Oslo. Ein kan også følgja utdelinga digitalt. Meld deg på utdelinga her: