– Kvart einaste menneske har ei stor historie, seier språkprisvinnar Katrine Sele

Publisert: 23. oktober 2021

Språkdirektør Åse Wetås og språkprisvinner Katrine Sele | Foto: John Erik Bøe Lindgren

Skrevet av: Språkrådet

Laurdag 23. oktober tok Katrine Sele imot Språkprisen. Ho får prisen for bøkene Jølster hotell og Einars bok.

– Fordi eg er lokaljournalist, er eg trent på å finne gode saker i nærmiljøet. Slik har eg vorte oppteken av livshistorier. Kvart einaste menneske går rundt med ei stor historie. Ein kunne skrive ein biografi om absolutt alle menneske, sa Katrine Sele i samtale med Kaja Schjerven Mollerin under utdelinga av Språkprisen.

Katrine Sele og Kaja Schjerven Mollerin, språkprisen 2021

Katrine Sele, språkprisen 2021 — – Eg prøver å tilpasse språket etter dei eg skriv om. Eg må la andre menneske fortelja med si eiga stemme og sine eigne ord. Kvardagsspråket er eit ideal for meg. Samtidig likar eg det pompøse og lyriske! (Foto: John Erik Bøe Lindgren)

Åse Wetås, språkprisen 2021 — – Ein legg merke til det enkle språket ditt. Men alle som har skrive ein del, veit at det er svært vanskeleg å skrive enkelt. (Foto: John Erik Bøe Lindgren)

Håkon Kolmansskog, språkprisen 2021 — – Du er tydeleg til stades i bøkene dine, men du står aldri i vegen for dei menneska du skriv om, sa Håkon Kolmannskog frå Samlaget. (Foto: John Erik Bøe Lindgren)