ordbøkene.no
SøkKva om ChatGPT skreiv lærebøkene? Ein konferanse om læremiddel i skulen
Torsdag 27. november arrangerer KS og Språkrådet ein nasjonal konferanse om læremiddel i grunnopplæringa.
Elevar i norske klasserom les tekstar på skjerm og papir. Tekstane dei les, er laga av forfattarar, læremiddelprodusentar og språkmodellar. Lærarar har aldri hatt meir materiell å velja i. Innovasjonar, reguleringar, stram kommuneøkonomi og stadig kraftigare språkmodellar kan gjera det vanskeleg for lærarar, andre skulefolk, forleggarar og læremiddelprodusentar å orientere seg. Korleis kan vi sikre at kvaliteten på læremidla blir god nok?
Med denne konferansen ynskjer vi å diskutere korleis lokale og sentrale styresmakter kan medverke til at læremidla er gode verktøy for lærarar og elevar.
I august kjem førebels program og informasjon om påmelding. Følg med!
Stad: Digitalt og fysisk i Oslo
Tid: Torsdag 27. november 2025